Quoted from Andy's Blog

參加者: calvin, ck, and me. (zen 缺席>_<)

時間: 1點至6點

天氣: 初時有些許陽光...及後多雲...間中吹強風...

路徑: 炮台山地鐵站>寶馬山 >金督馳馬徑>小馬山>渣甸山>陽明山莊

由十二月中開始一路話要行山行山,因為種種既原因...所以搞到今日先可以盛行~~~

我 地12點30分係炮台山mtr集合(ck前一日又話咩各自各食lunch,之後又同靜靜地約calvin食野=_=,搞到我一個人鬼咁早食lunch,不 滿>_<),差唔多15分鐘之後已經行到去寶馬山,calvin亦都介紹佢既住所XD,行多15分鐘,到左山口...我已經好攰(果時已經唔 想行=口=)...不過唔知聽到邊個講"依家行返轉頭仲黎得切"...突然間有股力量驅使我向前進發>_<

上左第一段山路(係 咁爬樓梯...),又開始頂唔順...calvin呢個行山老手帶左我地兩個初哥去涼亭度休息下=_=,好彩之後果一個鐘既路程都係好平坦,好舒服... "唔知點解星期六好少人行山"我地一直帶住呢個疑問行上山...好彩之後陸陸續續見到d人,多數都係外國人~o~(幾驚遇到I I >_<)

唔知邊個咁得閒放上去=_=

calvin好驚有人係舊石後面

睇一睇風景先=口=

之後我地又行多半個鐘...途中遇到果d之前爬我地頭,然後上到去影完相,又同我地相遇既人,心諗點解佢地可以咁快=_=沿住一條所謂既馬路一路行,終於到左電台附近...

就黎拆既樓...

竟然見到呢個係座樓既對面,唔通間屋係小學黎-.-

係呢個路牌繼續行就見到座電台,跟住右轉行幾級樓梯落去見到個擂台咁既物體(結束左好好行既路>v<)......

好搞野,唔通夜晚d人係度玩摔角>w<

calvin呢位老手,雖然好可靠,但係間中都會有錯,所以我地行左一次冤枉路=口=都唔可以怪佢,畢竟佢之前都係行過"一次"=____=

行左好耐,終於到左小馬山既橋...要開始征服第一座山...

小馬山礦洞,唔俾入=_=之後係d網度睇原來之前俾入,不過因為唔知咩安全理由而封左佢...

鐵塔...之後睇網,原來可以俾人爬上去玩,下次試下先(早知睇晒d資料先去行>_<)

成功征服左小馬山之後,就要征服埋渣甸山,因為mo可能中途退出XD

捷徑!!!不過唔敢行=口=

爬完呢度,後面原來仲有仲高既山...

礦區

危險!!!

當我地見到見到呢個路牌果時,我地好感動,因為代表左我地已經征服埋渣甸山...呢個路牌既後面係睇煙花既好地方,聽calvin講好多特登爬上黎睇...

行呢兩座山行得好辛苦...差唔多成七百八百級樓梯要我地行,間中又上上落落,行到ck頂唔住頻頻休息...從而想像如果zen都黎行,佢會係點既死樣xd

一位守香港既"加拿大(好似係-.-)"士兵

誤入陽明山莊=_=入面好搞笑,有餐廳係二樓,係露台好多塑膠人同我地揮手,一開始仲以為係真-.-

回程搭巴士途經既地方,有好多錦鋰...

總結:

好難行,好辛苦,不過見識到香港呢邊既風景(認識左好多豪宅a_a)...

累積左唔少行山既經驗xd, 行4個鐘既山,450ml既水已經好夠飲=口=